មន្ទីរ ទ.រ.ព.អ ខេត្តកណ្តាល សហការណ៏ជាមួយអាជ្ញាធរស្រុកកណ្តាលស្ទឹង បានរៀបចំកម្មវិធីផ្សព្វផ្សាយច្បាប់ស្តីពី ការត្រួតពិនិត្យគ្រឿងញៀន នៅវិទ្យាល័យ ហ៊ុនសែន កំពង់កន្ទួត ស្ថិតនៅស្រុកកណ្តាលស្ទឹង
ខេត្តកណ្តាល, ថ្ងៃអង្គារ ១១រោច ខែចេត្រ ឆ្នាំកុរ ឯកស័ក ពុទ្ធសករាជ២៥៦២ ត្រូវនឹងថ្ងៃទី៣០ ខែមេសា ឆ្នាំ២០១៩ មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តកណ្តាល សហការណ៏ជាមួយអាជ្ញាធរស្រុកកណ្តាលស្ទឹង បានរៀបចំកម្មវិធីផ្សព្វផ្សាយច្បាប់ស្តីពី ការត្រួតពិនិត្យគ្រឿងញៀន នៅវិទ្យាល័យ ហ៊ុនសែន កំពង់កន្ទួត ស្ថិតនៅឃុំបារគូ ស្រុកកណ្តាលស្ទឹង ខេត្តកណ្តាល ក្រោមអធិបតីភាព លោក គា ប៊ុនថនប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តកណ្តាល និងលោក ស៊ិន សម្បត្តិ អភិបាលរងស្រុកកណ្តាលស្ទឹង ដោយមាន សមាជិក សមាជិកា ភ្ញៀវកិត្តិយស អាជ្ញាធរ កងកម្លាំងប្រដាប់អាវុធ លោកគ្រូ អ្នកគ្រូ យុវជនកាកបាទក្រហម ក្រុមកាយរិទ្ធិ យុវជន ស.ស.យ.ក សិស្សានុសិស្ស នៃវិទ្យាល័យហ៊ុនសែន កំពង់កន្ទួត បងប្អូនប្រជាពលរដ្ឋ សរុបចំនួនប្រមាណ ៤២១នាក់ ស្រ្តី១៨៩នាក់។
