មន្ទីរ ទ.រ.ព.អ ខេត្តកណ្តាល សហការជាមួយអាជ្ញាធរស្រុកខ្សាច់កណ្តាលបានរៀបចំពិធីផ្សព្វផ្សាយច្បាប់ ស្តីពី ចរាចរណ៏ផ្លូវគោក
ខេត្តកណ្តាល, ថ្ងៃសុក្រ ១៤កេីត ខែពិសាខ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី១៧ ខែឧសភា ឆ្នាំ២០១៩ មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តកណ្តាល សហការជាមួយអាជ្ញាធរស្រុកខ្សាច់កណ្តាលបានរៀបចំពិធីផ្សព្វផ្សាយច្បាប់ ស្តីពីចរាចរណ៏ផ្លូវគោក ដោយមានការចូលរួមជាអធិបតីពីលោក គា ប៊ុនថន ប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តកណ្តាល និងលោក ចាន់ តារា អភិបាលរង នៃគណៈអភិបាលស្រុកខ្សាច់កណ្តាល និងមានការរួមពីលោក លោកស្រីក្រុមប្រឹក្សាឃុំ លោកអធិការរងស្រុក លោកគ្រូ អ្នកគ្រូ និងសិស្សានុសិស្ស សរុប៤២១នាក់ ស្រ្តី ២១៧នាក់។
