លោក ឈរ ដារ៉ា អនុប្រធានមន្ទីរ ទ.រ.ព.អ ខេត្តកំពង់ធំ ចូលរួមពិធីសម្ពោធដាក់អោយប្រើប្រាស់ជាផ្លូវការនូវអគារចំនួន ១០ខ្នង ០៧/០៦/២០១៩09/06/2019 717 កំពង់ធំ, ពិធីសម្ពោធ ខេត្តកំពង់ធំ, ថ្ងៃសុក្រ ៥កើត ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៧ ខែមិថុនា ឆ្នាំ២០១៩ លោក ឈរ ដារ៉ា អនុប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តកំពង់ធំ ចូលរួមពិធីសម្ពោធដាក់អោយប្រើប្រាស់ជាផ្លូវការនូវអគារចំនួន ១០ ខ្នង ស្ថិតក្នុងភូមិតាឡែកថ្មី ឃុំសាលាវិស័យ ស្រុកប្រាសាទបល្ល័ង្ក ដែលជាអំណោយរបស់ទីក្រុងហូជីមីង នៃសាធារណរដ្ឋសង្គមនិយមវៀតណាម ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកវរសេនីយ៍ឯក ង្វៀន ជឿងថាំង ប្រធានគណៈបញ្ជាការយោធាទីក្រុងហូជីមីង នៃកងទ័ពប្រជាជនវៀតណាម និងដោយមានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត ឯកឧត្តម លោកជំទាវ អភិបាល អភិបាលរង នៃគណៈអភិបាលខេត្ត លោក លោកស្រី ប្រធាន អនុប្រធានមន្ទីរ អង្គភាពជុំវិញខេត្ត និងលោក លោកស្រី អភិបាល អភិបាលរងស្រុកប្រាសាទបល្ល័ង្ក លោកមេឃុំ មេភូមិ តាជី យាយជី ប្រជាពលរដ្ឋ លោកគ្រូ អ្នកគ្រូ និងសិស្សានុសិស្ស។
