មន្ទីរ ទ.រ.ព.អ ខេត្តបន្ទាយមានជ័យ បានចូលរួមប្រជុំសម្របសម្រួល និងរកដំណោះស្រាយលើបញ្ហារំលោភដីធ្លីរបស់ប្រជាពលរដ្ឋនៅភូមិទួលប្រាសាទ ១២/០៧/២០១៩ 261 កិច្ចប្រជុំ, បន្ទាយមានជ័យ បន្ទាយមានជ័យ, ថ្ងៃសុក្រ ១១កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១២ ខែកក្កដា ឆ្នាំ២០១៩ នៅសាលាក្រុងប៉ោយប៉ែត លោក ឯម នី អនុប្រធានមន្ទីររួមជាមួយមន្ត្រីជំនាញ នៃមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តបន្ទាយមានជ័យ បានចូលរួមប្រជុំសម្របសម្រួល និងរកដំណោះស្រាយ ស្តីពី ករណីឈ្មោះ កង ភារម្យ និងឈ្មោះ ទុយ សាមុត តំណាងប្រជាពលរដ្ឋ ៣០គ្រួសារ ដែលទាហានកងអនុសេនាធំដឹកនាំដោយឈ្មោះ ឡេង ហុងលាង មេបញ្ជាការផ្នែកសឹករងក្រុងប៉ោយប៉ែត រំលោភយកដីរបស់ពួកគាត់មានទីតាំងស្ថិតនៅភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដឹកនាំអង្គប្រជុំដោយលោក លី សារី អភិបាលរងខេត្តបន្ទាយមានជ័យ ដោយសហការចូលរួមពីអាជ្ញាធរភូមិ សង្កាត់ ក្រុង តំណាងមន្ទីរ-អង្គភាព កងកម្លាំងប្រដាប់អាវុធ ពាក់ព័ន្ធនានា និងភាគីទំនាស់ផងដែរ។
