លោកជំទាវកិត្តិសង្គហបណ្ឌិត ម៉ែន សំអន បានចាត់ឲ្យលោក សោម សុជាតា នាំយកទេយ្យវត្ថុ និងចង្ហាន់ ប្រគេនព្រះសង្ឃគង់នៅវត្តគិរីធម្មរាជ ក្នុងវេនកាន់បិណ្ឌទី ២
លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានចាត់ឲ្យលោក សោម សុជាតា ប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ខេត្តកំពង់ឆ្នាំ និងមន្ត្រីក្រោមឱវាទនាំយកនូវថវិកា គ្រឿងឧបភោគបរិភោគ រួមជាមួយទេយ្យវត្ថុមួយចំនួន ដែលជាទឹកចិត្តនិងសទ្ធាជ្រះថ្លាក្នុងវិស័យព្រះពុទ្ធសាសនា របស់លោកជំទាវកិត្តិសង្គហបណ្ឌិត ម៉ែន សំអន លោកឧកញ៉ា ផែ ហុកឈួន និងលោកជំទាវ ឧកញ៉ា អ៊ឹង ស៊ីស្រ៊ន ដែលបាន បរិច្ចាគថវិកាផ្ទាល់ខ្លួនប្រគេនដល់ព្រះសង្ឃគង់ចាំព្រះវស្សានៅ វត្តគិរីធម្មរាជ ស្ថិតនៅក្នុងភូមិស្រាងខ្ពស់ ឃុំពង្រ ស្រុករលាប្អៀរ ខេត្តកំពង់ឆ្នាំ សម្រាប់វេនកាន់បិណ្ឌទី ២ នាព្រឹកថ្ងៃអាទិត្យ ទី២រោច ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៥ ខែកញ្ញា ឆ្នាំ២០១៩៕
