ឯកឧត្តមបណ្ឌិត ចាប សុថារិទ្ធ រដ្ឋលេខាធិការ ដឹកនាំគណៈប្រតិភូគោរពវិញ្ញាណក្ខន្ធ និងផ្តល់ភ្លើងបូជាសពលោក គិន ពិសាល

ឯកឧត្តមបណ្ឌិត ចាប សុថារិទ្ធ រដ្ឋលេខាធិការ តំណាងដ៏ខ្ពង់ខ្ពស់ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តី​ក្រសួង​ទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានដឹកនាំគណៈប្រតិភូក្រសួងចូលរួមគោរព្ធវិញ្ញាណក្ខន្ធ និង​ផ្តល់ភ្លើង​បូជា​សព លោក គិន ពិសាល អនុប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តកំពង់ឆ្នាំង ដែលបាន​ទទួល​មរណភាព​កាលពីថ្ងៃទី៤ ខែតុលា ឆ្នាំ២០១៩ ក្នុងជន្មាយុ ៣៨ឆ្នាំ។

ឆ្លៀតក្នុងឱកាសនោះផងដែរ ឯកឧត្តមបណ្ឌិត ចាប សុថារិទ្ធ រដ្ឋលេខាធិការ ក៏បានពាំនាំនូវ​ការចូលរួមរំលែកទុក្ខ​ពីសំណាក់​លោកជំទាវ​កិត្តិសង្គហបណ្ឌិត ឧបនាយករដ្ឋមន្រ្តី ជូនចំពោះក្រុមគ្រួសារនៃសព និងបានឧទ្ទិសបួងសួងដល់ដួងវិញ្ញានក្ខន្ធរបស់លោក គិន ពិសាល បាន​ទៅកាន់សុគតិភពជានិច្ចនិរន្តន៍តរៀងទៅ៕