លោកជំទាវកិត្តិសង្គហបណ្ឌិត ម៉ែន សំអន បានផ្តល់អនុសាសន៍ដល់លោក លោកស្រី ប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ២៥ រាជធានី-ខេត្ត

ថ្លែងក្នុងឱកាសនោះ លោកជំទាវកិត្តិសង្គហបណ្ឌិត ក៏បានអបអរសាទរចំពោះលទ្ធផលដែលគ្រប់មន្ទីរក្រោមឱវាទសម្រេចលទ្ធផលបានតាមផែនការដែលក្រសួងបានដាក់ឲ្យអនុវត្ត។ លោកជំទាវក៏បានបន្តទៀតថា ៖ ឆ្លងកាត់តាមរយៈ ការទទួលបានជោគជ័យនៃការធ្វើការចុះអង្កេតស្រាវជ្រាវបណ្តឹងចំនួន ២ខេត្ត គឺនៅខេត្តព្រះសីហនុ និងនៅខេត្តបន្ទាយមានជ័យ បន្ទាប់ពីបានទទួលបានចំណាររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការចុះអនុវត្ត គឺយើងទទួលបានលទ្ធផលគួរជាទីមោទនៈ ក្រោមការសម្របសម្រួលដោយឈរលើគោលនយោបាយ ឈ្នះ ឈ្នះ ដោយបានបញ្ចប់ទំនាស់បានទាំងពីរករណីនេះ។

លោកជំទាវក៏បានផ្តាំផ្ញើឲ្យប្រធានមន្ទីរទាំងអស់ត្រូវ ៖

១. ពង្រឹងកិច្ចសហប្រតិបត្តិការរវាងមន្ទីរ និងគណៈអភិបាលខេត្ត ក៏ដូចជាមន្ទីរនានានៅក្នុងខេត្តផងដែរ។

២. គ្រប់ប្រធានមន្ទីរទាំងអស់ត្រូវធ្វើការងារដោយប្រយ័ត្នប្រយែង ដោយស្មារតីទទួលខុសត្រូវខ្ពស់។

៣. ក្នុងនាមជាមន្ត្រីរាជការត្រូវពង្រឹងសមត្ថភាពផ្ទាល់ខ្លួនបន្តែមទៀត ដើម្បីចូលរួមចំណែកក្នុងការអភិវឌ្ឍន៍ប្រទេស ក្នុងនាមជាសេនាធិការឲ្យគណៈអភិបាលខេត្ត និងក្រសួង។

៤. អនុវត្តតាមផែនការ គោលការណ៍ និងការណែនាំរបស់គណៈអភិបាលខេត្ត៕