នាយកដ្ឋានអប់រំ ផ្សព្វផ្សាយច្បាប់ សហការជាមួយអាជ្ញាធរខេត្តឧត្ដរមានជ័យ បានផ្សព្វផ្សាយច្បាប់ស្ដីពី ការត្រួតពិនិត្យគ្រឿងញៀន ប្រគេនជូនព្រះសង្ឃ យាយជី តាជី ក្នុងក្រុងសំរោង

ខេត្តឧត្ដរមានជ័យ, ថ្ងៃព្រហស្បតិ៍ ១២កើត ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី​៥ ខែមីនា ឆ្នាំ២០២០ នាយកដ្ឋានអប់រំ ផ្សព្វផ្សាយច្បាប់ នៃក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច រួមសហការជាមួយអាជ្ញាធរខេត្តឧត្ដរមានជ័យ បានផ្សព្វផ្សាយច្បាប់ស្ដីពី ការត្រួតពិនិត្យគ្រឿងញៀន ប្រគេនជូនព្រះសង្ឃ យាយជី តាជី ក្នុងក្រុងសំរោង ខេត្តឧត្ដរមានជ័យ សរុបចំនួន ៣១៥ អង្គ-នាក់/ស្ត្រី ១២៥ នាក់។ ពិធីនេះប្រព្រឹត្តទៅក្រោមអធិបតីភាព ឯកឧត្តម ស៊ុំ រុំ អនុរដ្ឋលេខាធិការ ក្រសួង​ទំនាក់ទំនង​ជាមួយ​រដ្ឋសភា​-ព្រឹទ្ធសភា និងអធិការកិច្ច ព្រមទាំងមានការនិមន្តចូលរួមពីព្រះតេជគុណ ប៊ុន សាលួត ព្រះមេគណខេត្ត និងជាប្រធានសហគមន៍សង្ឃរុក្ខវ័ន្ត ព្រះវិន័យធម៌គណខេត្ត ព្រះអនុគណ និងវិន័យធម៌ ក្រុងសំរោង មន្ត្រីសង្ឃ លោកស្នងការរងខេត្ត និងលោកអភិបាល អភិបាលរងក្រុងសំរោងផងដែរ៕