លោកជំទាវកិត្តិសង្គហបណ្ឌិត ម៉ែន សំអន បានទទួលអំណោយជាសម្ភារៈសិក្សាពី លោក ហ៊ាង ផេង ១៦/០៦/២០២០16/06/2020 491 ការងារសង្គម, អប់រំ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឺទ្ធសភា និងអធិការកិច្ច បានទទួលអំណោយជាសម្ភារៈសិក្សាពី លោក ហ៊ាង ផេង ប្រធានសេវកម្មគ្រូបង្រៀនតាមផ្ទះ ដើម្បីឧបត្ថម្ភដល់សិស្សដែលមានជីវភាពខ្វះខាតនៅខេត្តស្វាយរៀង រួមាមាន ៖ សៀវភៅសរសេរចំនួន ៣.០០០ក្បាល ខ្មៅដៃចំនួន ១.២០០ដើម ប្រដាប់ខួងខ្មៅដៃ ៦០០ នាព្រឹកថ្ងៃអង្គារ៍ ១១រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ១៦ ខែមិថុនា ឆ្នាំ២០២០ នៅទីស្តីការក្រសួង។ ថ្លែងក្នុងឱកាសនោះ លោកជំទាវកិត្តិសង្គហបណ្ឌិត ក៏បានថ្លែងអំណរគុណយ៉ាងជ្រាលជ្រៅចំពោះ លោក ស៊ូ ផេង ដែលជាវិស័យឯកជន ដែលតែងតែបានចូលរួមចំណែកយ៉ាងសកម្មក្នុងវិស័យអប់រំក្នុងការផ្តល់សម្ភារៈសិក្សាដល់សិស្សកុមារា កុមារី នៃខេត្តស្វាយរៀង ក៏ដូចជាការងារមនុស្សធម៌ផងដែរ។ លោកជំទាវក៏បានជូនពរឲ្យអាជីវកម្មរបស់ លោក ស៊ូ ផេង ដំណើរការទៅបានដោយរលូន និងទទួលបានការគាំទ្រកាន់តែច្រើនបន្ថែមទៀតពីអតិថិជន៕
