ឯកឧត្ដមបណ្ឌិត ចាប សុថារិទ្ធ ដឹកនាំកិច្ចប្រជុំក្រុមការងាររៀបចំចងក្រងសៀវភៅ ” ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច អតីតកាល និងបច្ចុប្បន្ន ” ០៥/០៥/២០២២05/05/2022 50 ក្រុមការងាររៀបចំចងក្រងសៀវភៅ, ឯកឧត្ដមបណ្ឌិត ចាប សុថារិទ្ធ នាព្រឹកថ្ងៃពុធ ៤កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី០៤ ខែឧសភា ឆ្នាំ ២០២២ ឯកឧត្ដមបណ្ឌិត ចាប សុថារិទ្ធ រដ្ឋលេខាធិការ ក្រសួង ទ.រ.ព.អ បានដឹកនាំកិច្ចប្រជុំក្រុមការងាររៀបចំចងក្រងសៀវភៅ ” ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច អតីតកាល និងបច្ចុប្បន្ន ” នៅទីស្ដីការក្រសួង។ កិច្ចប្រជុំនេះមានការអញ្ជើញចូលរួមពី ឯកឧត្ដម លោក លោកស្រី សមាជិក សមាជិកា ក្រុមការងាររៀបចំសៀវភៅ២០២២។ ក្រោយពីមានកិច្ចពិភាក្សាយ៉ាងផុសផុលនៅកិច្ចប្រជុំរវាងថ្នាក់ដឹងនាំ និង សមាជិកក្រុមការងារទាំងអស់ បានសម្រេចធ្វើការកែសម្រួលមាតិកាមួយចំនួន កំណត់នូវទម្រង់នៃការចងក្រង និងពេលវេលាបោះពុម្ពសៀវភៅ ព្រមទាំងបានបែងចែកនូវតួនាទីភារកិច្ចជូនប្រធាន អនុប្រធាននិងសមាជិកទាំងអស់ផងដែរ។
