លោក ខុន សុខុម ប្រធានមន្ទីរ ទ.រ.ព.អ ខេត្តបន្ទាយមានជ័យ ក្រោមការចាត់តាំងរបស់ ឯកឧត្តម លីវ សុភក្រ្តា បានសហការជាមួយរដ្ឋបាលក្រុងប៉ោយប៉ែត ចុះសិក្សាគម្រោងជួសជុលផ្លូវមួយខ្សែស្ថិតក្នុង សង្កាត់និមិត្ត ២៥/០៨/២០២០25/08/2020 2992 បន្ទាយមានជ័យ, ឯកឧត្ដម លីវ សុភក្ត្រា ខេត្តបន្ទាយមានជ័យ, ថ្ងៃទី២៤ ខែសីហា ឆ្នាំ២០២០ ដោយមេីលឃេីញពីទុក្ខលំបាកក្នុងការធ្វេីដំណេីររបស់ប្រជាពលរដ្ឋនៅសង្កាត់និមិត្ត ក្រុងប៉ោយប៉ែត ឯកឧត្តម លីវ សុភក្រ្តា អនុរដ្ឋលេខាធិការ ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាសមាជិកក្រុមការងាររាជរដ្ឋាភិបាលចុះជួយខេត្តបន្ទាយមានជ័យ បានចាត់ឲ្យ លោក ខុន សុខុម ប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តបន្ទាយមានជ័យ សហការជាមួយរដ្ឋបាលក្រុងប៉ោយប៉ែតដឹកនាំដោយលោក គាត ហ៊ុល អភិបាលក្រុងប៉ោយប៉ែត លោក ហ៊ុល សំអូន ចៅសង្កាត់និមិត្ត ចុះសិក្សាផ្លូវមួយខ្សែប្រវែង ៤,៨០០ម៉ែត្រ ដេីម្បីជួសជុលពីចំណុចផ្លូវជាតិលេខ៥ ទៅដល់សំណង់ចិន ស្ថិតក្នុងភូមិសុខសាន្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ដេីម្បីអោយមានភាពល្អប្រសេីរ សម្រាប់បងប្អូនប្រជាពលរដ្ឋងាយស្រួលក្នុងការធ្វេីដំណេីរ និងដឹកជញ្ជូនកសិផល។
