ស្រ្តីម្នាក់មានជំងឺដុំសាច់ក្នុងពោះ ទទួលបានអំណោយគ្រឿងឧបភោគ បរិភោគ និងថវិកា ពីលោកជំទាវកិត្តិសង្គហបណ្ឌិត ម៉ែន សំអន ១៤/០៩/២០២០24/09/2020 110 ការងារសង្គម, លោកជំទាវ វង់ មយូរា, លោកជំទាវ សុខ វិឡាយ គ្រឿងឧបភោគ បរិភោគ និងថវិកាមួយចំនួនរបស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ត្រូវបានប្រគល់ជូនលោកស្រី ឡេង ស្រីឡូ អាយុ ៤៦ឆ្នាំ បច្ចុប្បន្នរស់នៅភូមិ៥ សង្កាត់ស្វាយរលំ ក្រុងតាខ្មៅ ខេត្តកណ្តាល ដែលមានជំងឺដុះដុំសាច់ក្នុងពោះ តាមរយៈ លោកជំទាវ សុខ វិឡាយ លោកជំទាវ វង់ មយូរា និងលោកជំទាវ ម៉ែន សំអ៊ុីន អនុប្រធានភូមិ ៥ និង យុវជន សសយក សង្កាត់ស្វាយរលំ នារសៀលថ្ងៃចន្ទ ១២រោច ខែភទ្របទ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១៤ ខែកញ្ញា ឆ្នាំ២០២០។ លោកស្រី ឡេង ស្រីឡូ ក៏បានបញ្ជាក់ថា សព្វថ្ងៃនេះគាត់មិនអាចប្រកបការងារអ្វីបានទេ ក្រៅតែពីសម្រាកនៅលើគ្រែនេះអស់រៈពេលជាងកន្លះឆ្នាំហើយ ពីមួយថ្ងៃទៅមួយថ្ងៃដុំសាច់ក្នុងពោះក៏ចេះកាន់តែធំទៅៗ ដែលធ្វើឲ្យគាត់ពិបាកក្នុងការដកដង្ហើម និងពេលគេង ។ លោកស្រី ឡេង ស្រីឡូ ក៏បានថ្លែងអំណរគុណចំពោះ លោកជំទាវកិត្តិសង្គហបណ្ឌិត ម៉ែន សំអន ក៏ដូចជាប្រតិភូដែលលោកជំទាវបានចាត់ឲ្យមកសួរសុខទក្ខលោកស្រីដល់គេហដ្ឋាននាពេលនេះ សូមប្រកបបាននូវសុខភាពល្អ និងទទួលបាននូវពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។ សូមបញ្ជាក់ថាអំណោយរួមមាន ៖ ថវិកាមួយចំនួន អង្ករ ៤ការ៉ុង, ទឹកផ្លែឈឺ ២កេស ត្រីខកំប៉ុង ២យួរ ទឹកសុទ្ធ ២កេស ទឹកដោះគោឆៅ ២យួរ និងរបស់របរមួយចំនួនទៀត ៕
