សហប្រធាន​ដឹកនាំ​កិច្ចប្រជុំ​អន្តរក្រសួង​ចង្អៀត ដើម្បី​ត្រួតពិនិត្យ ពិភាក្សា​​លើ​​សេចក្តី​​ព្រាង​​ច្បាប់ ស្តីពី អធិការកិច្ច

លោកជំទាវ សុខ វិឡាយ រដ្ឋលេខាធិការ និងឯកឧត្តម ហួត ហាក់ រដ្ឋលេខាធិការ បានដឹកនាំកិច្ចប្រជុំអន្តរក្រសួងចង្អៀត ដើម្បីត្រួតពិនិត្យ ពិភាក្សាលើសេចក្តីព្រាងច្បាប់ ស្តីពីអធិការកិច្ច នៅទីស្តីការក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នាថ្ងៃចន្ទ ១១កើត ខែអស្សុជ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៨ ខែកញ្ញា ឆ្នាំ២០២០ ។

នៅក្នុងកិច្ចប្រជុំនេះក៏បានអញ្ជើញចូលរួមពីសំណាក់ ឯកឧត្តម លោកជំទាវ ក្រុមការងារតាក់តែងសេចក្តីព្រាងច្បាប់ និងលិខិតបទដ្ឋានគតិយុត្តិរបស់ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងតំណាងក្រសួងស្ថាប័នចំនួន ៣ គឺ ៖ ក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ និង ក្រសួងមុខងារសាធារណៈ។