ពិធីប្រគល់-ទទួលអំណោយសប្បុរសធម៌ជូនដល់ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច

នារសៀលថ្ងៃព្រហស្បត្តិ៍ ទី០៣ ខែធ្នូ ឆ្នាំ២០២០ ឯកឧត្តម លីវ សុភក្រ្តា អនុរដ្ឋលេខាធិការ និងថ្នាក់ដឹកនាំនៃនាយកដ្ឋានរដ្ឋបាល ក្រសួង​ទំនាក់​ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញក្នុងពិធីប្រគល់-ទទួលអំណោយសប្បុរសធម៌ពី លោក លឹម ស ប្រធាន​ក្រុមហ៊ុន ឡាយ ស អុិនវេសមិន និងលោក ខន សុខេន ដែលបានឧបត្តម្ភនូវម៉ាស់ចំនួន ៣០,០០០ និងអាល់កុលសម្លាប់មេរោគចំនួន ២២​កាន ជូនដល់ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ដើម្បីចូលរួមការពារ និងទប់ស្កាត់ការរីករាលដាលជម្ងឺកូវីដ ១៩។

នាឱកាសនោះ ឯកឧត្តម អនុរដ្ឋលេខាធិការ ក៏បានថ្លែងអំណរគុណ​យ៉ាងជ្រាលជ្រៅ​សម្រាប់​អំណោយ​សប្បុរសធម៌​ពីវិស័យឯកជន​ក្នុង​ការ​ចូលរួម​ចំណែកជាមួយរាជរដ្ឋាភិបាល ដែលបានជួយឧបត្ថម្ភដល់ក្រសួងនាពេលនេះ ដែល​បាន​ឆ្លើយតប​ចាំបាច់​ចំពោះ​ស្ថានភាព​នា​ពេល​បច្ចុប្បន្ន។

យើងចូលរួមការពារខ្លួនយើង និងអ្នកដទៃពីជម្ងឺកូវីដ ១៩ នេះ ដោយពាក់ម៉ាស់ការពារ ឧស្សាហ៍​លាងដៃ​ឲ្យបានញឹកញាប់​ជាមួយ​ទឹកអាល់​កុល ជែល រឺ សាប៊ូ ជាពិសេស រក្សាគម្លាតសុវត្ថិភាពសង្គម។