វិទ្យាស្ថានជាតិអធិការកិច្ច បើក​វគ្គ​បណ្តុះ​បណ្តាល​ជំនាញ​វិជ្ជាជីវៈ​អធិការកិច្ច ជូន​មន្រ្តីរាជការ​របស់​ក្រសួង និងមន្ទីរ ទ.រ.ព.អ

ភ្នំពេញ៖ នៅព្រឹកថ្ងៃចន្ទ ១៣រោជ ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១១ ខែមករា ឆ្នាំ២០២១ វិទ្យាស្ថានជាតិអធិការកិច្ច បានចាប់ផ្តើមបើកវគ្គបណ្តុះបណ្តាលជំនាញវិជ្ជាជីវៈអធិការកិច្ច ជូនមន្រ្តីរាជការចំនួន ៤៥នាក់ របស់ក្រសួង និង​មន្ទីរទំនាក់ទំនង​ជាមួយ​រដ្ឋសភា-ព្រឹទ្ធសភា និង អធិការកិច្ច។ ក្នុងឱកាសនោះ ឯកឧត្តមបណ្ឌិត សោម បូរ៉ាន់ នាយកវិទ្យាស្ថានជាតិអធិការកិច្ច បាន​មាន​មតិ​សំណេះ​សំណាល និងសំណូមពរដល់សិក្ខាកាមទាំងអស់ឱ្យយកចិត្តទុកដាក់រៀនសូត្រ ដើម្បីពង្រឹងសមត្ថភាពជំនាញ និង​ប្រើប្រាស់​ជា​ប្រយោជន៍​ដល់ការបំពេញការងារឱ្យកាន់តែមានប្រសិទ្ធភាព ព្រមទាំងចូលរួមការពារការឆ្លងជម្ងឺកូវីដ១៩ អនុវត្ត​តាម​ការណែនាំ​របស់​ក្រសួង​សុខាភិបាល ជាពិសេសការពាក់ម៉ាស លាងដៃនឹងទឹកអាល់កុល និងរក្សាគម្លាតសុវត្ថិភាពបុគ្គលជាដើម។