អំណោយដ៏ថ្លាថ្លៃរបស់លោកជំទាវកិត្តិសង្គហបណ្ឌិត ម៉ែន សំអន ប្រគល់ជូនដល់ លោក ម៉ែន សុផល្លី ជាមន្ត្រីចូលនិវត្តន៍ នៅតំបន់បិទខ្ទប់ ០២/០៥/២០២១18/05/2021 342 ឯកឧត្តម ហុង ឡុង ឯកឧត្តម ហុង ឡុង នាយកខុទ្ទកាល័យ ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បាននំាយកអំណោយដ៏ថ្លាថ្លៃរបស់ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ដ្រី រដ្ឋមន្ដ្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ប្រគល់ជូនដល់ លោក ម៉ែន សុផល្លី នាព្រឹកថ្ងៃអាទិត្យ ៦រោច ខែពិសាខ ឆ្នាំឆ្លូវ ត្រីស័ក ពុ.ស.២៥៦៥ ត្រូវនឹងថ្ងៃទី២ ខែឧសភា ឆ្នាំ២០២១ ។ លោក ម៉ែន សុផល្លី ជាមន្ត្រីចូលនិវត្តន៍ ដែលបច្ចុប្បន្នកំពុងមានជំងឺប្រចាំកាយ បច្ចុប្បន្ន ស្នាក់នៅ ក្រុងតាខ្មៅ ខេត្តកណ្ដាល ដែលជាតំបន់បិទខ្ទប់ (Lockdown) ។ ឆ្លៀតក្នុងឱកាសនោះ ឯកឧត្តម ក៏បានពាំនាំការផ្តាំផ្ញើសាកសួរសុខទុក្ខពីសំណាក់លោកជំទាវកិត្តិសង្គហបណ្ឌិត ម៉ែន សំអន ជូនចំពោះគ្រួសាររបស់ លោក ម៉ែន សុផល្លី ដោយក្តីនឹករលឹក ដែលជានិច្ចកាលលោកជំទាវ បានគិតគូរអំពីសុខទុក្ខរបស់មន្ត្រីរាជការក្រោមឱវាទ ។ ឯកឧត្តមក៏បានបានជូនពរឲ្យឆាប់ជាសះស្បើយពីជំងឺ និងបាននាំយកអំណោយរបស់ លោកជំទាវកិត្តិសង្គហបណ្ឌិត ប្រគល់ជូនក្រុមគ្រួសារ លោក ម៉ែន សុផល្លី រួមមាន អង្ករ ត្រីខ មី ទឹកត្រី និងទឹកស៊ីអ៊ីវ។
