លោកជំទាវកិត្តិសង្គហបណ្ឌិត ម៉ែន សំអន ចូលរួមក្នុងពិធីបុណ្យផ្កាសាមគ្គី កសាងមជ្ឈមណ្ឌលវប្បធម៌ព្រះពុទ្ធសាសនាកម្ពុជា

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និង អធិការកិច្ច បានអញ្ជើញចូលរួមក្នុង ពិធីបុណ្យផ្កា មហាសាមគ្គី បាននាំយកនូវបច្ច័យចូលបុណ្យ សម្រាប់កសាងមជ្ឈមណ្ឌលវប្បធម៌ព្រះពុទ្ធសាសនាកម្ពុជា ដែលមានទីតាំងស្ថិតក្នុងឧទ្យានជាតិ ព្រះសុរាម្រិតកុសុមៈ (គិរីរម្យ) ភូមិអូករសេះ ឃុំចំបក់ ស្រុកភ្នំស្រួច ខេត្តកំពង់ស្ពឺ នារសៀលថ្ងៃពុធ ១២កើត ខែពិសាខ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី១៥ ខែឧសភា ឆ្នាំ២០១៩។

ពិធីបុណ្យផ្កាសាមគ្គីនេះគឺត្រូវបានផ្តួចផ្តើមឡើងក្នុងគោលបំណង ដើម្បីរៀបចំចាក់ក្បាច់បិទមហាប្រាសាទតម្កល់ព្រះត្រ័យបិដក សម្រាប់​តម្កល់​ទុកជា​សម្បត្តិ​បុណ្យគោរពបូជា និងបានជាប្រយោជន៍សម្រាប់មនុស្សលោកផង និងសម្រាប់វិស័យព្រះពុទ្ធ សាសនាផង។