លោកជំទាវកិត្តិសង្គហបណ្ឌិត ម៉ែន សំអន បានអញ្ជើញ​ជាអធិបតី​ក្នុងពិធី​សម្ពោធសមិទ្ធិផលនៅខេត្ដព្រះសីហនុ

លោកជំទាវបានបន្តទៀតថា ការដាក់ឲ្យប្រើប្រាស់សណ្ឋាគារនិងកាស៊ីណូ ហ្គដដេស អហ្វលីបឺទី នាពេលនេះពិតជាជំរើសដ៏ត្រឹមត្រូវ ខ្ញុំគាំទ្រ​ចំពោះការសម្រេចចិត្តវិនិយោគនៅទីនេះ ព្រោះទីក្រុងនេះ ជាទីតាំងយុទ្ធសាស្រ្តដ៏ល្អ ជាប់មាត់សមុទ្ទដ៏ស្រស់ស្អាត មានកំពង់ផែរអន្តរជាតិ និងមានអាកាសយានដ្ឋានអន្តរជាតិ មានកោះធម្មជាតិ និងបរិស្ថានល្អ ដែលមានសក្តានុពលផ្នែកពាណិជ្ជកម្ម និង​ទេសចរណ៍​ដ៍សំខាន់​របស់​កម្ពុជា។ ដូច្នេះភ្ញៀវទេសចរអន្តរជាតិជាច្រើនពិតជាចេញចូល និងស្នាក់នៅ ក្រុងព្រះសីហនុនេះច្រើន និងចូលសម្រាក និង​កំសាន្តនៅទីនេះ​ច្រើនជាមិនខាន។

លោកជំទាវក៏បានផ្ដាំផ្ញើដល់វិស័យឯកជន ជាពិសេស ចំពោះម្ចាស់អាជីវកម្មទាំងអស់ ត្រូវប្រកួតប្រជែងក្នុងការទាក់ទាញអតិថិជនក្នុង​តំបន់​មាន​ភាពស្រួចស្រាល យើងត្រូវផ្តល់សេវាប្រកបដោយគុណភាព និងតម្លៃសមរម្យដែលអាចទទួលយកបាន ដោយគិត​ពីផលប្រយោជន៍​រយៈពេលយូរអង្វែង ពោលគឺត្រូវធ្វើយ៉ាងណាកុំឲ្យខូចឈ្មោះ ដើម្បីឱ្យអតិថិជនបានមកកំសាន្តម្តងហើយ គេនឹងត្រឡប់ទៅវិញ ដោយនាំ​យក​នូវការពេញចិត្ត និងអនុស្សាវរីយ៍ល្អៗ និងមានបំណងមកម្តងទៀត ឬជួយផ្សព្វផ្សាយបន្តទៀត។