លោកជំទាវកិត្តិសង្គហបណ្ឌិត ម៉ែន សំអន តំណាងដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីក្នុងពិធី បិទសន្និបាត របស់រដ្ឋបាលខេត្តស្វាយរៀង ១៣/០៣/២០១៩01/04/2019 4904 លោកជំទាវកិត្តិសង្គហបណ្ឌិត ម៉ែន សំអន ប្រធានក្រុមការងារថ្នាក់ជាតិ ចុះជួយខេត្តស្វាយរៀង តំណាងដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីក្នុងពិធី បិទសន្និបាត បូកសរុបលទ្ធផលការងារប្រចាំឆ្នាំ២០១៨ និងលើកទិសដៅការងារ ឆ្នាំ២០១៩ របស់រដ្ឋបាលខេត្តស្វាយរៀង នារសៀលថ្ងៃពុធ ៨កើត ខែផល្គុន ឆ្នាំច សំរឹទ្ធស័ក ព.ស ២៥៦២ ថ្ងៃទី១៣ ខែមីនា ឆ្នាំ២០១៩។ ឆ្លៀតក្នុងឱកាសនោះ លោកជំទាវបានថ្លែងថា ក្នុងនាមរាជរដ្ឋាភិបាលកម្ពុជា ប្រធានក្រុមការងារថ្នាក់ជាតិចុះជួយមូលដ្ឋានខេត្តស្វាយរៀង សូមសម្តែងការកោតសរសើរ និងវាយតម្លៃខ្ពស់ចំពោះរដ្ឋបាលខេត្ត ដោយមានការចូលរួមពីមន្ទីរ អង្គភាពជំនាញនានា រដ្ឋបាល ក្រុង ស្រុក ឃុំ សង្កាត់ កងកម្លាំងមានសមត្ថកិច្ច និងប្រជាពលរដ្ឋ នៃខេត្តស្វាយរៀងទាំងមូល ដែលបានខិតខំរួមគ្នាសម្រេចបាន នូវសមិទ្ធផលលើគ្រប់វិស័យ រួមចំណែកក្នុងការថែរក្សា សុខសន្តិភាពស្ថិរភាពនយោបាយ រក្សាការពារបូរណភាពទឹកដី អធិបតេយ្យភាពជាតិ សន្តិសុខសណ្តាប់ធ្នាប់សាធារណៈ សុវត្ថិភាពសង្គម និងខិតខំជំរុញការអភិវឌ្ឍសេដ្ឋកិច្ច-សង្គម។ លោកជំទាវក៏បានផ្តល់អានុសាសន៍ ៨ ចំណុច សម្រាប់អនុវត្តបន្ត ៖ ទី១. រួមគ្នាថែរក្សាការពារសុខសន្តិភាព ស្ថិរភាពនយោបាយ និងរក្សាឲ្យបានដាច់ខាតនូវអធិបតេយ្យភាព បូរណភាពទឹកដីរបស់ជាតិ ទី២. ពង្រឹងសន្តិសុខ សណ្តាប់ធ្នាប់សាធារណៈ សុវត្ថិភាពសង្គម និងការប្រយុទ្ធប្រឆាំងគឿងញៀន ទី៣. ការគ្រប់គ្រង រក្សាការពារសន្តិសុខ និងការអភិវឌ្ឍតំបន់ព្រំដែន ទី៤. ការអភិវឌ្ឍសេដ្ឋកិច្ចសង្គម ទី៥. អនុវត្តឲ្យបាននូវកំណែទម្រង់វិមជ្ឈការ និងវិសហមជ្ឈការ ទី៦. ត្រូវផ្តល់សេវាសាធារណៈឲ្យបានឆាប់រហ័ស និងរួមគ្នាដោះស្រាយបញ្ហាប្រឈមនៅមូលដ្ឋាន ទី៧. ត្រៀមលក្ខណៈសម្រាប់គ្រោះរាំងស្ងួត ទី៨.ការពង្រឹងរបៀបរបបការងារ ជាទីបញ្ចប់ លោកជំទាវសង្ឃឹមថា ស្មារតីទទួលខុសត្រូវខ្ពស់របស់ឯកឧត្តម លោកជំទាវ អស់លោក លោកស្រី នៅក្នុងបំពេញការងារឲ្យសម្រេចបាន សមិទ្ធផលដ៏ត្រចះត្រចង់ថ្មីៗបន្ថែម ទៀតនាឆ្នាំ២០១៩ ដើម្បីចូលរួមចំណែក អភិវឌ្ឍនខេត្តស្វាយរៀង។
