លោកជំទាវកិត្តិសង្គហបណ្ឌិត ម៉ែន សំអន វេរប្រគេនទេយ្យវត្ថុ និងបច្ច័យដល់ព្រះអាយុវឌ្ឍនៈវង្ស ទូច ថន ក្នុងឱកាសបុណ្យចូលឆ្នាំខ្មែរប្រពៃណីជាតិ

ឆ្លៀតក្នុងឱកាសនោះលោកជំទាវក៏បានឧទ្ទិសដល់ដួងវិញ្ញាណក្ខ័ន្ធអ្នកដែលបានចែកឋានទៅលោកខាងមុខ សូមអញ្ជើញមកទទួលយកនូវកុសលផលបុណ្យដែលកើតចេញអំពីសទ្ធាដ៏ជ្រះថ្លានៅក្នុងថ្ងៃនេះ ។ លោកជំទាវក៏ទូលថ្វាយដល់ព្រះអាយុវឌ្ឍនៈវង្ស ទូច ថន សូមចូលរួមចំណែកជាមួយរាជរដ្ឋាភិបាលក្នុងការទប់ស្កាត់ និងការបង្ការ នូវជម្ងឺរលាកផ្លូវដង្ហើម កូវីដ-១៩ ដោយគោរពតាមគោលការណ៍ណែនាំរបស់រាជរដ្ឋាភិបាល ក្រសួងសុខាភិបាល និងក្រសួងមហាផ្ទៃ ។

ទេយ្យវត្ថុដែលវេរប្រគេននាថ្ងៃនេះរួមមាន ៖ ទឹកក្រូច ទឹកសុទ្ធ ស្ករស ទឹកត្រី ទឹកស៊ីអ៊ីវ អង្ករ ត្រីងៀត ទៀន ធូប និងបច្ច័យមួយចំនួន ដើម្បីវេរ និងប្រគេនដល់ព្រះសង្ឃសម្រាប់តម្កល់ទុកក្នុងវត្តប្រើប្រាស់ប្រចាំថ្ងៃ៕