លោកជំទាវកិត្តិសង្គហបណ្ឌិត ម៉ែន សំអន បាននាំយកទេយ្យទានរបស់សម្តេចតេជោ និងសម្តេចកិត្តិព្រឹទ្ធបណ្ឌិត និងថវិកាជួសជុលព្រះវិហារទៅប្រគេនដល់ព្រះចៅអធិការវត្តរាជបូព៌

ឆ្លៀតក្នុងឱកាសនោះផងដែរ លោកជំទាវ បានពាំនាំ​នូវការផ្តាំផ្ញើសួរសុខទុក្ខ និងជូនពរជ័យសព្វសាធុការមហាប្រសើរបស់សម្តេច​អគ្គមហា​សេនា​បតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ប្រគេនជូនចំពោះព្រះសង្ឃគ្រប់ព្រះអង្គ ឯកឧត្តម លោកជំទាវ លោក លោកស្រី និងពុទ្ធបរិស័ទទាំងអស់ ដែលបានចូលរួមក្នុងពេលនេះ។

លោកជំទាវក៏បានប្រគេនទេយ្យទានរបស់សម្តេចអគ្គមហាសេបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ប្រគេនដល់ ព្រះមហាវិមលធម្ម សិរីសុវណ្ណេ ពិន សែម ព្រះរាជាគណៈថ្នាក់ទោ សមាជិកថេរសភាសង្ឃ ឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះគ្រូចៅអធិការវត្តរាជបូព៌ និងថវិកាសម្រាប់ជួសជុលព្រះវិហារមានអាយុកាលរាប់រយឆ្នាំ ដែលមានសភាពទ្រុឌទ្រោមខ្លាំង សម្រាប់តម្កល់ទុកវិស័យព្រះពុទ្ធសាសនាផង និងសម្រាប់ទុកសម្រាប់ជាការសិក្សាស្រាវជ្រាវដល់កូនខ្មែរជំនាន់ក្រោយៗផងដែរ៕