លោកជំទាវកិត្តិសង្គហបណ្ឌិត ម៉ែន សំអន និង លោកជំទាវ ម៉ែន ភក្តី ហុកឡង់ឌី អញ្ជើញបួងសួង​សុំ​សេចក្តី​សុខចូលមាន ដល់​ប្រជាពលរដ្ឋ​ទូទាំង​ប្រទេស និងបញ្ជៀសជម្ងឺកូវីដ១៩ ចេញពីកម្ពុជា និងពិភពលោក

លោកជំទាវកិត្តិសង្គហបណ្ឌិត ម៉ែន សំអន និង លោកជំទាវ ម៉ែន ភក្តី ហុកឡង់ឌី ព្រមទាំងពុទ្ធបរិស័ទ្ធជិតឆ្ងាយ ក៏បានអញ្ជើញ​ចូលរួម​អម​ដំណើរក្នុងពិធីបួងសួងដល់បារមីនៃព្រះសម្មាសម្ពុទ្ធ ៨៤.០០០អង្គ នៅពុទ្ធគីរីកម្ពុជាជួយបណ្តេញជម្ងឺកូវីដ ១៩ ឲ្យចេញអស់ពីកម្ពុជា និង​ពិភពលោក សូមឲ្យប្រទេសកម្ពុជាជៀសផុតពីគ្រោះកាចចង្រៃ ជៀសផុតពីគ្រោះរាំងស្ងួត និងសម្បូរសប្បាយជានិច្ចនិរន្តរ៍សម្រាប់ប្រទេសកម្ពុជាទាំងមូល។ ជាពិសេសក៏សូមថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ និង ប្រគេនពរដល់ព្រះសង្ឃគ្រប់ព្រះអង្គ និងជូនពរ សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ថ្នាក់ដឹកនាំ សមាជិក សមាជិកា ព្រឹទ្ធសភា រដ្ឋសភា ព្រមទាំងប្រជាពលរដ្ឋនៅទូទាំងប្រទេស សូមឲ្យជួបសេចក្តីសុខ សន្តិភាព និងសេចក្តីចម្រើនគ្រប់ៗគ្នា។

ជាទីបញ្ចប់ លោកជំទាវកិត្តិសង្គហបណ្ឌិត ម៉ែន សំអន និង លោកជំទាវ ម៉ែន ភក្តី ហុកឡង់ឌី ព្រមទាំងពុទ្ធបរិស័ទ្ធជិតឆ្ងាយ​ដែលបានចូលរួម​ក្នុងថ្ងៃនេះក៏បានវេរ និងប្រគេននូវស្លាដក ភេសជ្ជៈ និងបច្ច័យដល់ព្រះសង្ឃចំនួន ៩៩៩អង្គ ជាកិច្ចបង្ហើយបុណ្យផងដែរ៕