លោកជំទាវ​កិត្តិ​សង្គហ​បណ្ឌិត ម៉ែន សំអន ទទួលទេយ្យវត្ថុ​សម្រាប់​ប្រគេន​ដល់ព្រះសង្ឃគង់ចាំព្រះវស្សា ចំនួន ២វត្ត ពីលោកឧកញ៉ា ផែ ហុកឈួន និងលោកជំទាវឧកញ៉ា អ៉ឹង ស៊ីស្រ៊ន

ថ្លែងក្នុងឱកាសនោះ លោកជំទាវកិត្តិសង្គហបណ្ឌិត ក៏បានថ្លែងអំណរគុណដល់លោកឧកញ៉ា ផែ ហុកឈួន និងលោកជំទាវឧកញ៉ា អ៉ឹង ស៊ីស្រ៊ន ចំពោះទឹកចិត្ត និងសទ្ធាជ្រះថ្លាក្នុងវិស័យព្រះពុទ្ធសាសនា ដែលបានចូលរួមជាទេយ្យវត្ថុ និងបច្ច័យនាពេលនេះ ក្នុងន័យចូលរួម​លើក​ស្ទួយវិស័យព្រះពុទ្ធសាសនាឲ្យកាន់តែថ្កុំថ្កើនថែមមួយកម្រិតទៀត។ ទេយ្យវត្ថុនេះ លោកជំទាវនឹងយកទៅ​ប្រគេនដល់​ព្រះសង្ឃគង់ចាំ​ព្រះវស្សានៅវត្តចំនួន២ នៅខេត្តស្វាយរៀង ក្នុងឱកាសចូលព្រះវស្សា​ដែលនឹងឈានមកដល់​នៅពេលខាងមុខនេះ។

ទេយ្យទានរួមមាន ៖ ទៀនព្រះវស្សា ២គូរ ត្រៃយ៍ធំ ២ ទឹកក្រូច ៦កេស មីម៉ាម៉ា ២កេស ទឹកសុទ្ធ ៦កេស ស្ករស ៥០គីឡូក្រាម ទឹកដោះគោខាប់ ២កេស តែស្លឹក ៤គីឡូក្រាម ផ្ទិល ២ និងបច្ច័យចូលបុណ្យ៕