ឯកឧត្តមឧបនាយករដ្ឋមន្ត្រី ហោ ណាំហុង និង លោកជំទាវ​កិត្តិសង្គហ​បណ្ឌិត ម៉ែន សំអន អញ្ជើញ​ធ្វើ​ទស្សនៈ​កិច្ច​នៅ​រោងចក្រ​ ស៊ូយ៉ាង ផលិត​អំពូល​ភ្លើង និង​ខ្សែភ្លើង នៅ​ខេត្ត​ស្វាយរៀង

ក្នុងដំណើរទស្សនៈកិច្ចនេះ លោក Owen Lee អគ្គនាយកក្រុមហ៊ុនក៏បានធ្វើសេចក្តីរាយការណ៍សង្ខេបអំពីវឌ្ឍនភាពរបស់ក្រុមហ៊ុន ដែល​បានដាក់ឲ្យដំណើរការចាប់តាំងពីថ្ងៃទី១៤ ខែធ្នូ ឆ្នាំ២០១៩ រហូតមកដល់ពេលបច្ចុប្បន្ននេះ គឺខ្សែរសង្វាក់ផលិតកម្មបានដំណើរការយ៉ាងល្អ ដោយរគោរពតាមច្បាប់ និងបទដ្ឋានគត្តិយុត្តិនៃព្រះរាជាណាចក្រកម្ពុជា។ ជាពិសេស ក្រុមហ៊ុនបានយកចិត្តទុកដាក់ដល់កម្មករ កម្មការិនី តាមការណែនាំរបស់រដ្ឋាភិបាលកម្ពុជា និងក្រសួងសុខាភិបាល ក្នុងការថែរក្សាអនាម័យ ដើម្បីទប់ស្កាត់ និងបង្ការនូវជម្ងឺកូវីដ១៩ ។ ដោយឡែកបច្ចុប្បន្ននេះពិភពលោកបាននឹងកំពុងរងនូវផលប៉ះពាល់យ៉ាងធ្ងន់ធ្ងរពីជម្ងឺកូវដី១៩ ដែលបានធ្វើឲ្យដំណើរការអាជីវកម្ម ទេសចរណ៍ ផលិតកម្ម និងវិស័យផ្សេងៗទៀតត្រូវបានផ្អាកដំណើរការ និងបានធ្វើឲ្យចំណូលសេដ្ឋកិច្ចត្រូវបានធ្លាក់ចុះជាលំដាប់។ ដោយឡែកសម្រាប់ខ្សែរសង្វាក់ផលិតកម្មរបស់ក្រុមហ៊ុន ស៊ូយ៉ាង ពុំមានការរាំងស្ទះដោយសារជម្ងឺកូវីដនោះទេ គឺនៅតែបន្តដំណើរការផលិតជាធម្មតា៕