លោកជំទាវកិត្តិសង្គហបណ្ឌិត ម៉ែន សំអន ៖ បានអញ្ជើញអុជធូប ថ្វាយ​គ្រឿងសក្ការៈ និង​បួងសួង​សុំ​សេចក្តី​សុខ សេចក្តី​ចម្រើន​នៅ​រមណីយដ្ឋាន​ប្រវត្តិសាស្រ្ត វត្តភ្នំ

លោកជំទាវកិត្តិសង្គហបណ្ឌិត ម៉ែន សំអន បានបួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ និង ប្រគេនពរដល់ព្រះសង្ឃគ្រប់ព្រះអង្គ និង ជូនពរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ថ្នាក់ដឹកនាំ សមាជិក សមាជិកា ព្រឹទ្ធសភា រដ្ឋសភា ព្រមទាំងប្រជាពលរដ្ឋនៅទូទាំងប្រទេស សូមឲ្យជួបសេចក្តីសុខ សន្តិភាព និងសេចក្តីចម្រើនគ្រប់ៗគ្នា។ ជាពិសេស សូមឲ្យប្រទេសជាតិរួចផុតពីជម្ងឺដង្កាត់ ជម្ងឺកូវីដ-១៩ គ្រោះកាចចង្រៃ ជៀសផុតពីគ្រោះរាំងស្ងួត និងសម្បូរសប្បាយជានិច្ចនិរន្ត។

លោកជំទាវក៏បានផ្តាំផ្ញើដល់លោកតាជី លោកយាយជី ត្រូវចេះថែរក្សាអនាម័យ ចំណែកឯប្រជាការពារភូមិ រួមជាមួយកងកម្លាំងគ្រប់ប្រភេទ ក៏ត្រូវរួមគ្នាថែរក្សាសន្តិសុខ និងសណ្តាប់ធ្នាប់នៅក្នុងបរិវេណរមណីយដ្ឋានប្រវត្តិសាស្រ្តវត្តភ្នំនេះឲ្យបានល្អ ដើម្បី​ទាក់ទាញ​ដល់​ភ្ញៀវ​ទេសចរណ៍​មកទស្សនានៅតំបន់នេះ ជាពិសេសត្រូវចេះថែរក្សាសុខភាព និងអនាម័យផ្ទាល់ខ្លួនឲ្យបានល្អ ស្រប​ពេល​ដែល​ពិភពលោក​កំពុង​តែប្រយុទ្ធប្រឆាំងនឹងការរីករាលដាលនូវជម្ងឺកូវីដ ១៩ និង​ត្រូវចេះរួមគ្នាថែរក្សា​សម្បត្តិវប្បធម៌ ដែលជាមរតក​របស់​ដូនតា​យើង​ក្នុងតំបន់នេះ​ឲ្យបានគង់វង្សជានិច្ចនិរន្តរ៍៕