ឯកឧត្តម ឆេង សារឿន ដឹកនាំ​កិច្ច​ប្រជុំ​អនុ​គណៈកម្មការ​ចំពោះកិច្ច​ចាក់​វ៉ាក់សាំង​កូវីដ​-​១៩ ក្នុង​ក្របខណ្ឌ​ក្រសួង​ទំនាក់ទំនង​ជាមួយ​រដ្ឋសភា​-​ព្រឹទ្ធសភា និង​អធិការកិច្ច

ទីស្តីការក្រសួង, ថ្ងៃអង្គារ ១០កើត ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៣ ខែមីនា ឆ្នាំ២០២១ អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានបើកកិច្ចប្រជុំ ក្រោមអធិបតីភាព ឯកឧត្តម ឆេង សារឿន រដ្ឋលេខាធិការប្រចាំការ។

អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្រសួង បានសម្រេចដូចខាងក្រោម៖

១) ធ្វើបច្ចុប្បន្នភាពនៃស្ថានភាព ថ្នាក់ដឹកនាំ មន្ត្រីរាជការ ដែលបាន និងមិនបានចាក់វ៉ាក់សាំងកូវីដ-១៩
២) បង្កើតគ្រុបក្នុងតេឡេក្រាមនូវ អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្រសួង
៣) ធ្វើលិខិតស្នើ (ភ្ជាប់ជាមួយនូវតារាងឈ្មោះថ្នាក់ដឹកនាំ មន្ត្រីរាជការ មន្ត្រីជាប់កិច្ចសន្យា និងសន្តិសុខក្រសួង ដែលមិនទាន់បានចាក់ និងស្ម័គ្រចិត្តចាក់) ទៅគណៈកម្មការជាតិចំពោះកិច្ចចាក់វ៉ាក់សាំងកូវីដ-១៩ ថ្នាក់ជាតិ ដើម្បីសុំអន្តរាគមន៍​ចាក់វ៉ាក់សាំង​​​ទៅតាម​កាលវិភាគ​កំណត់មួយ ដើម្បីបង្កភាពងាយស្រួលដល់ការចាក់វ៉ាក់សាំង។