ឯកឧត្តមរដ្ឋមន្រ្តី ហួត ហាក់ ទទួលជួបពិភាក្សាការងារជាមួយ លោកស្រី Meloney C. Lindberg ប្រធានមូលនិធិអាស៊ីប្រចាំប្រទេសកម្ពុជា (Asian Foundation)

ក្នុងឱកាសនោះ ឯកឧត្តមរដ្ឋមន្រ្តី បានសម្តែងនូវក្ដីសោមនស្សរីករាយក្នុងការទទួលស្វាគមន៍ លោកស្រី Meloney C. Lindberg មកកាន់ទីស្ដីការក្រសួង ដើម្បីជួបសម្តែងការគួរសម និងពិភាក្សាកិច្ចសហប្រតិបត្តិការ ផ្ដោតលើការលើកកម្ពស់អភិបាលកិច្ចល្អ។ ជាការឆ្លើយតប លោកស្រីប្រធានអង្គការមូលនិធិអាស៊ីប្រចាំកម្ពុជា បានថ្លែងនូវការអបអរសាទរយ៉ាងកក់ក្តៅចំពោះការចូលកាន់តំណែងថ្មីរបស់ ឯកឧត្តមរដ្ឋមន្ត្រី និងបានជម្រាបជូនអំពីវឌ្ឍនភាពនៃកិច្ចសហប្រតិបត្តិការរវាងវិទ្យាស្ថានជាតិអធិការកិច្ច និងអង្គការមូលនិធិអាស៊ីប្រចាំប្រចាំនៅកម្ពុជា នាពេលកន្លងមក។